काठमाडौं ।
शुक्रबार नेपाली बजारमा सुनको भाउ ओरालो लागेको छ ।
बिहीबारको तुलनामा शुक्रबार सुनको भाउ तोलामा १३ सयले घटेको हो ।
बिहीबार १ लाख ३४ हजार रुपैयाँमा कारोबार भएको सुन आज १ लाख ३२ हजार ७ सय रुपैयाँमा कारोबार हुने नेपाल सुनचाँदी व्यवसायी महासंघले जनाएको छ ।
बिहीबार नेपाली बजारमा सुनको भाउ इतिहासकै महङ्गो बनेको थियो ।
आज तेजावी सुन १ लाख ३२ हजार ५० रुपैयाँ कायम भएको छ ।
यस्तै आज चाँदी ३० रुपैयाँले घटेर १६ सय १५ रुपैयाँमा कारोबार हुने महासंघले जनाएको छ ।
